ABŞ-də edam cəhdindən sağ çıxan ölüm mahkumu Krista Payk məhkəmə zalında

24media.az BBC-yə istinadən xəbər verir ki, 50 yaşlı qatil son 30 ilini keçirdiyi həbsxanada tibbi nəzarət altında qalmaqda davam edir. Sentyabrın 30-da iki dəfə ölümcül "pentobarbital" iynəsi vurulmasına baxmayaraq sağ qalan Payk ağır vəziyyətdə xəstəxanaya yerləşdirilmişdi.

Xəstəxanada huşunu bərpa edən və danışmağa başlayan məhkumun vəziyyəti mütəxəssisləri, tibb heyətini və vəkillərini təəccübləndirib. Vəkillərinin sözlərinə görə, ayılandan sonra onun ilk sözləri "Mən haradayam?" və "Siz kimsiniz?" olub. Məhkum fövqəladə şəraitdə göstərilən tibbi yardıma görə həkimlərə minnətdarlığını bildirib.

Krista Payk ölümcül iynə ilə edam cəhdindən sağ çıxan yeganə şəxs hesab olunduğu üçün bu hadisə hüquq praktikasında görünməmiş hallardan birinə çevrilib. Tennessi ştatı baş prokurorunun köməkçisi Uill Eyres məhkəmədə edamın yenidən təyin olunub-olunmayacağı ilə bağlı hələlik qərar verilmədiyini bildirib. Hakim ştat rəhbərliyinə uğursuz edamla bağlı bütün sübutları saxlamamağı tapşırıb.

Hüquqi və etik baxımdan uğursuz edam cəhdləri insan hüquqları və cəza icra sistemi çərçivəsində ciddi müzakirələrə yol açır. Edam prosesində baş verən texniki və ya tibbi qüsurlar cəzanın qəddarlıq elementini artırır və ştatın məsuliyyətini gündəmə gətirir. Bu kimi hallar gələcəkdə edam üsullarının yenidən dəyərləndirilməsinə və ya hüquqi iddiaların qaldırılmasına zəmin yaradır.

Məhkəmə prosesinin gedişatı və ştat rəhbərliyinin verəcəyi son qərar yaxın günlərdə ictimaiyyətə açıqlanacaq.

Fatimə Salmanlı

Indra Brike

24media.az News.ru saytına istinadən xəbər verir ki, aktrisa 1970-ci illərdə filmlərdə aktyorluğa başlayıb. Rusiyada o, Yuliya Peresild, Sergey Qarmaş və Rinal Muxametovla birlikdə rol aldığı Pavel Çuxrayın "Soyuq Tanqo" müharibə dramı ilə tanınıb.

Daha əvvəl aktyor Vasili Popovun 3 oktyabrda 78 yaşında vəfat etdiyi bildirilib. Popov 79 yaşının tamam olmasına cəmi üç gün qalmış vəfat etdi. Aktyor "Hücum" və "Tülkü ovu" filmlərindəki rolları ilə geniş şöhrət qazanıb.

Daha əvvəl Rusiyanın Əməkdar Artisti Sergey Belskinin vəfat etməsi xəbəri yayılıb. O, 67 yaşında vəfat edib. Lev Tolstoy adına Lipetsk Dövlət Dram Teatrı onun vəfatının truppa, hər bir işçi heyəti və teatrın özü üçün böyük və düzəlməz bir itki olduğunu qeyd edib.

Əli Balayev

ANEWZ-a istinadən bildirir ki, Türkmənistanın Türkmənbaşı şəhərində keçirilən Azərbaycan Respublikası və Mərkəzi Asiya Dövlət Başçılarının 8-ci Məşvərət görüşündə iki sənəd imzalanıb. Bunlar Birgə Bəyanat və Məşvərət görüşünün tənzimləyici sənədləri haqqında Qərardır.

Sənədlər nəqliyyat, ticarət, energetika, rəqəmsallaşma və təhlükəsizlik sahələrində regional əməkdaşlığın genişləndirilməsini nəzərdə tutur.

Görüşdə iştirak edən Azərbaycan Prezidenti İlham Əliyev çıxışında Xəzər dənizinin regional nəqliyyat əlaqələrində artan əhəmiyyətini vurğulayıb. Dövlət başçısı bildirib ki, Xəzərin hər iki sahilindəki nəqliyyat infrastrukturu Mərkəzi Asiyanı Azərbaycan və beynəlxalq bazarlarla birləşdirmək baxımından mühüm rol oynayır.

Prezidentin sözlərinə görə, 2025-ci ildə Azərbaycanın Mərkəzi Asiya ölkələri ilə ticarət dövriyyəsi 50 faizdən çox artıb. Hazırda Azərbaycanda Mərkəzi Asiya ölkələrinin kapitalının iştirakı ilə 400-dən çox şirkət fəaliyyət göstərir.

Görüşdə Transxəzər Orta Dəhlizinin imkanlarının genişləndirilməsi və “Rəqəmsal İpək Yolu” layihəsi də müzakirə olunub. Qazaxıstan Prezidenti Kasım-Jomart Tokayev TRIPP nəqliyyat təşəbbüsünün Orta Dəhlizə inteqrasiyası imkanlarının nəzərdən keçirilməsini təklif edib.

Energetika sahəsində Azərbaycan, Qazaxıstan və Özbəkistan arasında bərpa olunan enerji əməkdaşlığının genişləndirilməsi də diqqət mərkəzində olub. Layihə Mərkəzi Asiyada istehsal olunan yaşıl enerjinin Azərbaycan vasitəsilə Avropaya çatdırılmasını nəzərdə tutur.

İmzalanmış birgə bəyanatda, həmçinin rəqəmsal transformasiya, süni intellekt, investisiya, elektron ticarət, səhiyyə, turizm, humanitar əlaqələr və ətraf mühitin mühafizəsi sahələrində əməkdaşlığın gücləndirilməsi əksini tapıb.

Sənəddə terrorizm, ekstremizm, kibercinayətkarlıq, insan alveri və narkotik vasitələrin qanunsuz dövriyyəsinə qarşı birgə mübarizənin gücləndirilməsi də nəzərdə tutulur.

Qeyd edək ki, görüş Azərbaycanla Mərkəzi Asiya ölkələri arasında iqtisadi, nəqliyyat və enerji əlaqələrinin inkişafı, eləcə də regional əməkdaşlığın yeni istiqamətlərinin müəyyənləşdirilməsi baxımından əhəmiyyət daşıyır.

Şehrin Musayeva

24media.az ANEWZ-a istinadən bildirir ki, oktyabrın 8-də Türkmənistanın Avaza şəhərində Özbəkistan Prezidenti Şavkat Mirziyoyev və Türkmənistan Prezidenti Sərdar Berdiməhəmmədov arasında görüş keçirilib. Görüş zamanı Strateji Tərəfdaşlıq üzrə Ali Şuranın yaradılması haqqında saziş imzalanıb.

Yeni şuranın yaradılması iki ölkə arasında siyasi əlaqələrin gücləndirilməsinə və əməkdaşlığın genişləndirilməsinə xidmət edəcək.

Qeyd edək ki, MDB-yə üzv ölkələrin dövlət başçılarının sammit çərçivəsində oktyabrın 9-da görüşü nəzərdə tutulub. Tədbirlər çərçivəsində Xəzər dənizində su səviyyəsinin azalması və bunun gəmiçilik, liman infrastrukturu, biomüxtəliflik və enerji sektoruna təsirləri də müzakirə olunur.

Şehrin Musayeva

ABŞ Prezidenti Donald Tramp respublikaçıların aralıq seçkilərində qalib gələcəyi təqdirdə hər bir Amerika vətəndaşına 5 min dollar ödəməyi vəd edib.

Tramp bu vədi Texas ştatının Dallas şəhərində keçirilən Respublikaçılar Partiyasının qurultayında səsləndirib.

Ağ Ev ödənişlərin necə maliyyələşdiriləcəyi və bölüşdürüləcəyi ilə bağlı ətraflı məlumat verməyib. Planın həyata keçirilməsi üçün 1 trilyon dollardan çox vəsait tələb oluna biləcəyi bildirilir. Respublikaçıların bəzi üzvləri təşəbbüsü tənqid edərək bunun inflyasiyanı daha da artıracağını qeyd ediblər.

Trampın daha əvvəl uşaqlar üçün 1000 dollarlıq dövlət töhfəsi ilə qənaət hesabları yaratmaq və hərbçilərə ABŞ-nin 250 illik yubileyi münasibətilə 1776 dollar ödəmək kimi vədləri də xatırladılıb. Bununla yanaşı, Elon Maskın xərclərin azaldılmasından əldə ediləcək vəsait hesabına verilməsi nəzərdə tutulan 5 min dollarlıq ödənişlərin reallaşmadığı qeyd olunub.

Analitiklər bildiriblər ki, hakim partiyaların aralıq seçkilərində adətən mövqelərini itirməsi və reytinqlərin aşağı düşməsi fonunda bu vəd təşviş əlaməti kimi qiymətləndirilə bilər. Onların fikrincə, noyabrın 3-də keçiriləcək seçkilərdə uğur qazanmaq üçün seçicilərin bu vədlərin ciddiliyinə inanması vacibdir.

Mənbə: BBC

Tərcümə etdi: Zəhra Əliyeva

İordaniya Silahlı Qüvvələrinin nümayəndəsi 20 raketdən 18-nin zərərsizləşdirildiyini, ikisinin isə yaşayış olmayan ərazilərə düşdüyünü bildirib.

İran tərəfi isə Hörmüz boğazında iki ABŞ gəmisinin və səkkiz neft tankerinin hədəfə alındığını açıqlayıb.

Son bir həftədə qarşılıqlı zərbələrin intensivləşməsi fonunda Asiya birjalarında neftin qiyməti yüksəlib. “Brent” neftinin qiyməti 1,5 faiz artaraq 99,35 dollara, ABŞ neftinin qiyməti isə 94,23 dollara çatıb.

ABŞ Dövlət Katibi Marko Rubio İranın ABŞ hərbi gəmilərinə hücum etməyə çalışacağı təqdirdə tankerlərini itirməyə davam edəcəyini bildirib.

Mənbə: BBC

Tərcümə etdi: Zəhra Əliyeva

Rusiya hökuməti körpüdən ilkin mərhələdə yük daşımaları üçün istifadə olunacağını bildirib, BBC

Pxenyanın dövlət mediası körpüdən “şəxsi heyətin qarşılıqlı səfərləri, turizm və ticarət” məqsədilə istifadə olunacağını bildirib.

Lakin Ukraynanın araşdırma təşkilatı olan “Truth Hounds” körpünün əsasən Rusiyanın Ukraynaya qarşı müharibəsinə dəstək məqsədilə “gizli hərbi logistika dəhlizi yaratmaq” üçün nəzərdə tutulduğunu bildirib.

Körpünün açılması Ukraynada müharibənin başlanmasından sonra Şimali Koreya ilə Rusiya arasında münasibətlərin daha da gücləndiyi bir dövrə təsadüf edir. Rusiya Prezidenti Vladimir Putin və Şimali Koreya lideri Kim Çen In daha əvvəl ölkələrindən hər hansı birinə qarşı “təcavüz” olacağı təqdirdə bir-birinə yardım göstərəcəklərini bildirmişdilər.

Rusiyanın Baş naziri Mixail Mişustin körpünü “dostluğun yeni simvolu”, Şimali Koreyanın Baş naziri Pak The Son isə “tarixi hadisə” adlandırıb.

Rusiya dövlət informasiya agentliyi TASS-ın məlumatına görə, körpüdən gündəlik 300-ə qədər nəqliyyat vasitəsi və 2323 nəfər keçə biləcək.

BBC-nin bu ilin may ayında yayımladığı peyk görüntülərində təxminən bir kilometr uzunluğunda olan körpü ilə yanaşı, yeni giriş yolları, sərhəd-keçid məntəqəsi, yardımçı infrastruktur və avtomobil dayanacaqlarının inşa edildiyi görünürdü.

İki ölkə arasında hava və dəmir yolu əlaqələri mövcud olsa da, indiyədək birbaşa avtomobil yolu bağlantısı yox idi.

Yeni körpü Tümen çayı üzərindən keçərək Şimali Koreyanın Rason və Rusiyanın Xasan sərhəd şəhərlərini birləşdirir.

Rusiya hökumətinin məlumatına görə, körpüdən ilkin mərhələdə yük daşımaları üçün istifadə olunacaq, daha sonra isə sərnişin daşımalarına açılması nəzərdə tutulur.

Yeni yolun Şimali Koreyadan Rusiyaya silah və digər hərbi təchizatın daşınmasını asanlaşdıra biləcəyi ilə bağlı narahatlıqlar da var.

“Truth Hounds” təşkilatı bildirib ki, 2024-cü ildə iki ölkə arasında imzalanmış strateji tərəfdaşlıq müqaviləsi nəzərə alınarsa, körpüdən Şimali Koreyanın hərbi qulluqçularının, tikinti işçilərinin və yüksək rütbəli hərbi rəsmilərinin birbaşa Rusiyaya daşınması üçün istifadə oluna bilər. Körpü eyni zamanda əks istiqamətdə Rusiyanın texnologiya və resurslarının Şimali Koreyaya çatdırılmasına imkan yarada bilər.

Körpünün tikintisinə 2025-ci ildə, Vladimir Putinin 2024-cü ildə Şimali Koreyaya səfəri zamanı əldə olunan razılaşmadan sonra başlanılıb. Tikinti müəyyən gecikmələrə baxmayaraq, 495 günə başa çatdırılıb.

Yeni avtomobil yolunun Şimali Koreyadan Rusiyaya işçilərin daşınmasında da istifadə olunacağı gözlənilir. Cənubi Koreyanın hesablamalarına görə, təxminən 10 min Şimali Koreya vətəndaşı Rusiyada tikinti sahələrində və meşə təsərrüfatı düşərgələrində çalışır.

Strateji və Beynəlxalq Araşdırmalar Mərkəzinin eksperti Viktor Ça bildirib ki, körpünün sürətlə inşa olunması iki ölkə arasındakı ticarət fəaliyyətinin həcmini əks etdirir. Onun sözlərinə görə, bu, əsasən Şimali Koreyanın Rusiyanın Ukraynaya qarşı müharibəsi üçün qoşun, silah, sursat və işçi qüvvəsi təqdim etməsi ilə əlaqədardır.

Mənbə: BBC

Tərcümə etdi: Zəhra Məlikova

Pakistanın sabiq baş naziri İmran Xan İslamabaddakı xəstəxanada həkimlər tərəfindən müayinə edildikdən sonra səhhəti stabil qiymətləndirilib və yenidən həbsxanaya qaytarılıb.
24media.az BBC-yə istinadən xəbər verir ki, müayinədə oftalmoloq, kardioloq və digər ixtisaslaşmış həkimlər iştirak ediblər. Ölkənin Ali Məhkəməsi siyasətçinin səhhəti ilə bağlı narahatlıqlar yarandıqdan sonra onun 48 saat ərzində xüsusi özəl tibb müəssisəsində müayinə olunması barədə göstəriş vermişdi. Lakin təhlükəsizlik səbəbindən İmran Xan sonda hökumətin idarə etdiyi xəstəxanaya aparılıb.
Müayinə zamanı sabiq baş naziri bacısı müşayiət edib və o, bütün proses ərzində həkimlərin nəzarəti altında olub.
İmran Xanın vəkilləri onun görmə qabiliyyətinin zəiflədiyini və digər sağlamlıq problemlərindən əziyyət çəkdiyini bildirərək, uzun müddətdir ixtisaslaşmış tibbi yardıma ehtiyac duyduğunu qeyd ediblər.
Xatırladaq ki, 2018-2022-ci illərdə Pakistanın baş naziri olmuş İmran Xan 2023-cü ilin avqustundan həbsdədir. Ona qarşı korrupsiya və dövlət sirlərinin sızdırılması da daxil olmaqla bir sıra ittihamlar irəli sürülüb. Sabiq baş nazir ittihamların siyasi motivli olduğunu bəyan edir.

Zəhra Əliyeva

Hadisə bazar günü yerli vaxtla səhər saat 01:00 radələrində Budapeşti Nyirendhaza şəhəri ilə birləşdirən M3 magistral yolunda qeydə alınıb. İlkin polis araşdırmalarına əsasən, qəzaya səbəb sürücünün sükan arxasında yuxulaması olub və sürücü saxlanılıb. Yaralılar xəstəxanaya yerləşdirilib.

Məlumata görə, ölkənin baş naziri Piter Magyar həyatını itirənlərin ailələrinə başsağlığı verib və yaralılara şəfa diləyib.

Mənbə: BBC

Tərcümə etdi: Zəhra Əliyeva

Bakıda və Abşeron yarımadasında havanın əsasən yağmursuz keçəcəyi gözlənilir. Arabir güclənən şimal-qərb küləyi gündüz şimal-şərq küləyi ilə əvəz olunacaq.

24media.az Milli Hidrometeorologiya Xidmətinə istinadən xəbər verir ki, havanın temperaturu gecə 22-25° isti, gündüz 29-33° isti olacaq. Atmosfer təzyiqi 761 mm civə sütunu, nisbi rütubət gecə 70-75%, gündüz 50-55% təşkil edəcək.

Ölkənin rayonlarında da havanın əsasən yağmursuz keçəcəyi ehtimal olunur. Lakin gündüz bəzi dağlıq və dağətəyi rayonlarda qısamüddətli yağış yağacağı, şimşək çaxacağı, bəzi dağlıq ərazilərdə isə arabir duman olacağı gözlənilir. Şərq küləyi əsəcək.

Havanın temperaturu gecə 22-27° isti, gündüz 34-38° isti, dağlarda gecə 15-20° isti, gündüz 23-28° isti təşkil edəcək.

Həvva Cəbrayılova