24media.az AZƏRTAC-a istinadən xəbər verir ki, fransız yazıçısı Madam Leprens de Bomonun dünyaca məşhur əsəri əsasında hazırlanan tamaşa sevgi, mərhəmət, xeyirxahlıq və daxili gözəllik kimi dəyərləri ön plana çəkir.

Nağılın əsas ideyası zahiri görünüşün insanın həqiqi mahiyyətini müəyyən etmədiyini, əsl gözəlliyin insanın qəlbində, davranışında və başqalarına münasibətində olduğunu vurğulayır. Bir çox bədii və animasiya filmlərinə mövzu olan bu əsər müxtəlif nəsillərin maraqla izlədiyi klassik hekayələrdəndir.

Kukla Teatrının səhnə yozumunda isə tanış nağılın təqdimatına özünəməxsus yanaşma sərgilənir. Animasiya filmlərindən tanıdığımız sehrli dünyanın səhnə imkanları ilə yenidən qurulduğu tamaşada klassik kukla üslubu, müxtəlif texnikalarda hazırlanmış kuklalar və canlı plan oyunu vəhdət təşkil edir. Burada əsas diqqət yalnız kuklaların hərəkətinə deyil, aktyorun canlı ifasına, jest və mimikalarına, fərdi ifadə maneralarına da yönəlir. Kukla və aktyor ifasının qarşılıqlı əlaqəsi səhnə hadisələrini daha canlı, emosional və təsirli edir, tamaşaçıya nağılın duyğusal qatlarını fərqli şəkildə yaşamaq imkanı yaradır.

Tamaşanın quruluşçu rejissoru Anar Məmmədov, quruluşçu rəssamı İqbal Əliyev, bəstəkarı Cahangir Zülfüqarovdur.

Səhnə əsərində obrazları teatrın aparıcı aktyorları Elnur Abbasquliyev, Səriyyə Mansurova, Aygül Ağayeva, Cavid Telman, Rəhim Rəhimov, Araz Həsənli və Nərmin Əhmədova canlandırırlar.

“Gözəl və Bədheybət” tamaşası uşaqları nağılın sehrli dünyasına dəvət etməklə yanaşı, onlara insanı zahiri görünüşünə görə deyil, qəlbinə və əməllərinə görə qiymətləndirməyin vacibliyini aşılayır. Payız günlərində səhnəyə bahar ovqatı gətirən tamaşa balaca teatrsevərlərə və ailələrə unudulmaz teatr görüşü vəd edir.

Piranə Seyran

24media.az AZƏRTAC-a istinadən xəbər verir ki, görüşdə Heydər Əliyev adına Tbilisi Azərbaycan Peşəkar Dövlət Dram Teatrının nümayəndəsi də iştirak edib.

Tədbirdə dövlət teatrlarının nümayəndələri sahənin özünəməxsus xüsusiyyətləri nəzərə alınmaqla maddi-texniki bazanın yenilənməsi, həmçinin inzibati və infrastruktur istiqamətində mövcud olan çətinlikləri müzakirə ediblər. Xüsusilə teatrlarda texniki peşələr üzrə kadr çatışmazlığının vacib problemlərdən biri olduğu qeyd edilib və bu istiqamətdə təxirəsalınmaz həll yollarının tapılmasının zəruriliyi vurğulanıb.

Nazir Maya Bitadze sektorun gələcək inkişafı üçün ümumi vizyonun formalaşdırılmasının vacibliyini qeyd edərək, Nazirliyin teatr sektorunu hərtərəfli dəstəkləmək üçün daha çevik mexanizmlər üzərində işlədiyini diqqətə çatdırıb.

Nazirlikdən verilən məlumata görə, Gürcüstanın 2027-ci il üçün dövlət büdcəsinin ilkin layihəsində Heydər Əliyev adına Tbilisi Dövlət Peşəkar Azərbaycan Dram Teatrına ayrılan maliyyə vəsaiti artırılıb.

Teatra ayrılan ümumi vəsait 422 200 lari (təqribən 276 000 manat) təşkil edir. Bu rəqəm əvvəlki ilin (2026-cı il) göstəricisi ilə müqayisədə 45 200 lari çoxdur.

Maliyyələşdirmənin bölgüsünə əsasən, vəsaitin 390 400 larisi birbaşa əməkhaqlarının ödənilməsinə, qalan 1 000 larisi isə digər xərclərin qarşılanmasına yönəldiləcək.

Eyni zamanda, qanunvericilik çərçivəsində göstəriləcək xidmətlərdən teatra əlavə olaraq 30 800 lari gəlir əldə etmək hüququ tanınır.

Piranə Xasiyeva

24media.az AZƏRTAC-a istinadən xəbər verir ki, məqalədə milli mətbəximizin ləziz təamları, onların hazırlanması və süfrəyə verilməsi qaydaları haqqında yazılıb.

Bildirilir ki, Azərbaycan mətbəxində ət yeməkləri, müxtəlif plov növləri və təndir çörəkləri xüsusi yer tutur. Eyni zamanda, zəfəran, nar, əncir kimi inqrediyentlər yeməklərə özünəməxsus dad qatır.

Materialda xarici aşpazların da Azərbaycan mətbəxinə maraq göstərdiyi vurğulanır. Onlar milli yeməklərin zənginliyini və ölkədə qonaqpərvərlik ənənələrinin yüksək səviyyədə olduğunu qeyd edirlər.

Vurğulanır ki, ölkəyə ilk dəfə səfər edənlər üçün qutab ən çox tövsiyə olunan yeməklərdən biridir. Nazik xəmirdən hazırlanan və müxtəlif içliklərlə təqdim edilən bu yemək adətən qatıq və ya sumaqla servis olunur.

Bundan əlavə, ənənəvi şirniyyat növlərindən biri olan “Basqal halvası” da xüsusi qeyd olunub. Bu şirniyyat cücərdilmiş buğda, qoz, fındıq və ədviyyatların qarışığından hazırlanır və yüksək qida dəyərinə malikdir.

Məqalədə vurğulanır ki, Azərbaycanın bütün bölgələrinin özünəməxsus kulinariya ənənələri var.

Sonda qeyd edilir ki, Azərbaycan mətbəxi həm də zəngin mədəni irsi əks etdirən unikal təcrübə təqdim edir və ölkəni qastronomiya turizmi baxımından cəlbedici istiqamətlərdən birinə çevirir.

Piranə Xasiyeva

24media.az AZƏRTAC-a istinadən xəbər verir ki, təqdimat mərasimində Heydər Əliyev Fondunun icraçı direktoru Anar Ələkbərov, mədəniyyət naziri Adil Kərimli, dövlət rəsmiləri, mədəniyyət və incəsənət xadimləri iştirak ediblər.

Əvvəlcə qonaqlar tədbir çərçivəsində Azərbaycan Rəssamlıq Akademiyasının tələbələrinin “At gücü” mövzusunda hazırladıqları rəsm əsərlərindən ibarət sərgi ilə tanış olublar.

Daha sonra film nümayiş etdirilib.

Film dünyanın ən seçilən atlarının hekayəsindən, onların qeyri-adi gücündən və insanla unikal bağlılığından bəhs edir. Layihə vəhşi təbiət haqqında məzmun yaradan və filmləri 70-dən çox ölkədə yayımlanan məşhur “Plimsoll Productions” və “Eos Films” istehsal şirkətlərinin birgə məhsuludur.

Filmin çəkilişləri ABŞ, Azərbaycan, Böyük Britaniya, Çin, Qətər və Niderlandda aparılıb. Azərbaycandakı çəkilişlər Heydər Əliyev Fondunun təşəbbüsü və Azərbaycan Respublikası Atçılıq Federasiyasının (ARAF) dəstəyi ilə həyata keçirilib. Filmdə təqdim olunan məşhur at cinsləri arasında Azərbaycanın milli irsi olan Qarabağ atları da öz layiqli yerini tutub.

Bu ekran əsəri “Mavi Planet II” və “Yer kürəsi II” kimi layihələrin yaradıcıları tərəfindən atlar haqqında indiyədək çəkilmiş ən iddialı sənədli filmlərdən biri hesab olunur.

Şərq təqviminə görə 2026-cı ilin “At ili” olması ilə əlaqədar filmin nümayişləri dünyanın müxtəlif ölkələrində bu mövzuya həsr edilib. Proqnozlara əsasən, ekran əsərinin auditoriyası 100 ölkədə 300 milyon izləyicini ötəcək. Bu göstəriciyə televiziya yayımı, onlayn platformalar, kinoteatr nümayişləri, eləcə də dünyanın müxtəlif muzeylərində təşkil edilən təqdimatlar vasitəsilə nail olunması gözlənilir.

Qeyd edək ki, filmin ərsəyə gəlməsində beynəlxalq təcrübəyə malik peşəkar komanda iştirak edib. Layihənin məsləhətçiləri sırasında Böyük Britaniyanın tanınmış fotoqrafı, Kral Coğrafiya Cəmiyyətinin üzvü Henri Dallal (Henry Dallal) da daxil olmaqla, elm və mədəniyyət sahəsinin aparıcı mütəxəssisləri yer alır.

Filmin rejissoru Mark Braunlou (Mark Brownlow) “Yer kürəsi II” və “Eden: Untamed Planet” kimi layihələri ilə tanınır. O, həmçinin “Mavi planet II”, “Kiçik nəhənglər 3D”, “Okeanlar: bizim mavi planetimiz 3D” və digər sənədli serialların prodüseri və rejissoru kimi çoxsaylı mükafatlara layiq görülüb.

Filmin prodüseri Sun Şuyun (Sun Shuyun) beynəlxalq əməkdaşlıq sahəsində tanınan və məhsuldar fəaliyyət göstərən mütəxəssislərdəndir.

İkinci rejissor Rob Sallivan (Rob Sullivan) sənədli seriallar üzrə təcrübəli prodüser və rejissor kimi yerli hekayələrin təqdimatı və unikal çəkiliş məkanlarına çıxış imkanları ilə seçilir.

Filmin kadrarxası mətni “Oskar” mükafatı nominantı aktyor Coş Brolin (Josh Brolin) tərəfindən səsləndirilib, musiqinin müəllifi isə “Emmy” mükafatı laureatı bəstəkar Barnabi Teylordur (Barnaby Taylor).

Piranə Xasiyeva

“Wireless” musiqi festivalının təşkilatçıları bildiriblər ki, Kanye Vestin Böyük Britaniyaya səfər üçün etdiyi Elektron Səyahət İcazəsi müraciəti rəsmi qurumlar tərəfindən rədd edilib. Qərar onun əvvəllər səsləndirdiyi antisemitist fikirlərlə bağlı yaranmış siyasi mübahisələrin fonunda verilib.

Məlumata görə, repçi iyul ayında Londonda keçiriləcək festivalda çıxış etməli olub. Lakin onun ölkəyə girişinə qadağa qoyulması tədbirin keçirilməsini mümkünsüz edib və festival tamamilə ləğv edilib.

Təşkilatçıların açıqlamasında qeyd olunub ki, artıq bilet almış müştərilərə ödənişlər geri qaytarılacaq. Bildirilib ki, festival proqramı hazırlanarkən müxtəlif tərəflərlə məsləhətləşmələr aparılıb və həmin mərhələdə hər hansı narahatlıq qeydə alınmayıb.

“Antisemitizm bütün formaları ilə qəbuledilməzdir və bu məsələlərin insanların həyatına real və şəxsi təsirini anlayırıq”, - deyə bəyanatda vurğulanıb.

Eyni zamanda qeyd edilib ki, Kanye Vest son açıqlamasında yalnız sözlərin kifayət etmədiyini etiraf edib və buna baxmayaraq, Böyük Britaniyadakı yəhudi icması ilə dialoqa başlamaq üçün fürsət əldə etməyə ümid etdiyini bildirib.

Mənbə: The Guardian

Tərcümə etdi: Fərid Tapdıqov

24media.az AZƏRTAC-a istinadən xəbər verir ki, Azərbaycanın birinci xanımına muzey haqqında məlumat verilib.

Muzeyin binası vaxtilə Tbilisidə yaşayan Mirzə Fətəli Axundzadənin vəsaiti ilə inşa edilib. Gürcüstanın azərbaycanlı ziyalılarının müraciətinə əsasən, 1982-ci ildə binada Mirzə Fətəli Axundzadənin ev-muzeyi yaradılıb. 1996-cı ildə Ümummilli Lider Heydər Əliyevin Gürcüstana rəsmi səfərindən sonra bu mədəniyyət ocağı əsaslı təmir olunaraq, həmin vaxtdan mədəniyyət mərkəzi kimi fəaliyyət göstərir.

Gürcüstan Prezidentinin Sərəncamına əsasən, 2007-ci ildə Mərkəzə Azərbaycan Mədəniyyəti Muzeyi statusu verilib və 2013-cü ildə Azərbaycan Respublikasının maliyyə dəstəyi ilə burada əsaslı təmir və yenidənqurma işləri həyata keçirilib. Elə həmin il mayın 8-də keçirilmiş muzeyin açılış mərasimi Ulu Öndər Heydər Əliyevin 90 illik yubileyinə həsr olunub.

Hazırda muzeyin nəzdində fəaliyyət göstərən mədəniyyət mərkəzində xalçaçılıq, musiqi, o cümlədən muğam, rəsm və dil kursları var.

Əsas məqsədi mədəniyyətimizi və xalqımızın mədəni irsini Gürcüstanda qoruyub saxlamaq və təbliğ etmək olan muzeydə bu ölkədə fəaliyyət göstərən müxtəlif muzeylərin fondlarından Azərbaycanın mədəni irsinə aid əşyalar tədqiq edilir, onların sərgiləri keçirilir.

Burada milli musiqi alətlərimizin və geyimlərimizin, xalq sənətinin müxtəlif sahələrinə aid nümunələrin, M.F.Axundzadənin həyat və fəaliyyətini əks etdirən eksponatların və digər maraqlı əşyaların nümayiş olunduğu 6 ekspozisiya zalı var.

Ekspozisiyada Gürcüstanda yaşayan etnik azərbaycanlılar tərəfindən toxunmuş və Milli Muzeydə saxlanılan ənənəvi xalçalar da təqdim olunur. Onların yaradılma tarixi yüzilliklərə gedib çıxır. Bu xalçaların toplanması və elmi cəhətdən öyrənilməsi XIX əsrin ortalarından – məhz Gürcüstan Milli Muzeyinin hüquqi varisi olduğu “Qafqaz Muzeyi” dövründən başlayır.

Azərbaycan-Gürcüstan dostluğuna həsr olunmuş zalda hər iki ölkənin heykəltaraşlarının xalqlarımızın dostluq münasibətlərini əks etdirən əsərləri, Tbilisi şəhərində Ulu Öndər Heydər Əliyevin adını daşıyan mədəniyyət və istirahət parkının, M.F.Axundzadə adına məktəbin və kitabxananın, Bakı şəhərindəki Tbilisi prospektinin və “Dostluq abidəsi”nin fotoşəkilləri yer alıb.

Mədəni tədbirlər və konfransların da keçirildiyi muzeydə Mirzə Şəfi Vazehin 1820-1830-cu illərdə Gəncədə qurduğu “Divani-Hikmət” ədəbi məclisinin fəaliyyətini davam etdirən “Müdriklər Məclisi” yaradılıb. Burada Tbilisi şəhərində yeganə olan Azərbaycan dilində kitabxana və incəsənət qalereyası fəaliyyət göstərir.

Sonra Azərbaycanın birinci xanımı muzeyin xatirə kitabına ürək sözlərini yazıb. Uşaqlar tərəfindən toxunmuş kiçik xalçalar xanım Mehriban Əliyevaya hədiyyə olunub.

Piranə Xasiyeva

Budapeşt, 25 mart

24media.az AZƏRTAC-a istinadən xəbər verir ki, tədbir Azərbaycan-Macarıstan Məzunlar Birliyinin (AHAU) rəhbəri Günay Bayramovanın təşəbbüsü ilə, Macarıstandakı azərbaycanlı diaspor gənclərinin təşkilatçılığı əsasında Obuda Universitetində keçirilib. Əsas məqsəd Azərbaycan xalqının zəngin mədəni irsini, milli adət-ənənələrini və Novruz bayramının dəyərlərini beynəlxalq auditoriyaya tanıtmaq olub. Tədbirdə müxtəlif ölkələrdən, əsasən macar və türkdilli xalqlardan olan 50-dən çox gənc iştirak edib.

Proqram çərçivəsində iştirakçılara Azərbaycan mədəniyyətinin müxtəlif elementləri təqdim olunub. Gənclər tərəfindən dahi bəstəkar Üzeyir Hacıbəylinin məşhur “Arşın mal alan” əsərindən səhnəcik təqdim edilib. Bununla yanaşı, tələbə Nərgiz Beydullayevanın ifasında milli rəqslərimizdən “Uzundərə” rəqsi nümayiş olunub.

Tədbir çərçivəsində Novruz bayramına xas milli atributlar, bayram süfrəsi, adət-ənənələr və inanclar xarici tələbələrə və macar qonaqlara əyani şəkildə təqdim edilib.

Bu kimi təşəbbüslər Macarıstanda yaşayan azərbaycanlı gənclərin birliyinin möhkəmləndirilməsinə, eləcə də Azərbaycan ilə Macarıstan arasında mədəni və humanitar əlaqələrin inkişafına mühüm töhfə verir.

Piranə Xasiyeva

London, 22 mart

24media.az AZƏRTAC-a istinadən xəbər verir ki, tədbirdə Azərbaycanı universitetin Azərbaycan cəmiyyətinin tələbələri təmsil ediblər. Onlar Novruz ənənələrini və ölkəmizin zəngin mədəni irsini əks etdirən müxtəlif elementləri iştirakçılara təqdim ediblər.

Stenddə Azərbaycanın milli musiqi alətləri, Novruza xas atributlar, o cümlədən səməni, milli dekor elementləri və digər mədəni nümunələr nümayiş olunub.

Festival çərçivəsində Novruz bayramını qeyd edən digər ölkələrin də stendləri qurulub. Bu stendlərdə müxtəlif xalqların Novruz ənənələri, mətbəxi və mədəni xüsusiyyətləri təqdim olunub ki, bu da tədbirə beynəlxalq rəng qatıb.

Piranə Xasiyeva

Bakı, 21 mart

24media.az AZƏRTAC-a istinadən xəbər verir ki, "Xalqımızın ilk Xalq şairi Səməd Vurğun - 120" adlı virtual sərgidə rəsmi sənədlər, şairin şeirləri, poemaları, dram əsərləri, tərcümələri, həyatı haqqında xatirələr, esseler, şeirlər, "Səməd Vurğun və uşaq ədəbiyyatı”, poeziyası, bədii əsərlərin dili və üslubu, dramaturgiyası və digər mövzularda tədqiqat işləri, monoqrafiyalar, zəngin irsi haqqında Azərbaycan və xarici dillərdə ədəbiyyatlar, fotolar və dövri mətbuat materialları fotolar nümayiş olunur.

Milli Kitabxananın "Azərbaycanın Xalq şairi Səməd Vurğun" adlı elektron məlumat bazasında isə şairin irsi haqqında daha geniş və sistemləşdirilmiş tammətnli resurslar "Rəsmi sənədlər", "Həyat və yaradıcılığı", "Həyat və fəaliyyətinin əsas tarixləri", "Görkəmli şəxslər Səməd Vurğun haqqında", "Hikmətli sözləri və aforizmləri", "Əsərləri", "Şeirlərinə yazılmış mahnılar", "Haqqında", "Təltiflər", "Xatirəsinin əbədiləşdirilməsi", "Fotoqalereya" və "Videoqalereya" bölmələrində onlayn istifadəçilərə təqdim edilir.

Piranə Xasiyeva